Vilyam Vordsvort (1770-1850)-İngilis romantizminin banisidir.
O, “İnsan ağlı yalnız xarici stimulları qeyd edən passiv bir orqan deyil! O, xəyal gücü sayəsində inanılmaz bir yaradıcılığa sahibdir. Buna görə də hər şey şeirə mövzu ola bilər”, “Şeir insanlara əxlaqi və fəlsəfi dəyərləri öyrədərək onları ucaltma məqsədi daşıyır “ deyir.
Bulud kimi tək gəzdim
Bulud kimi tək gəzdim
Vadilər təpələr üstündə uçdum,
İzdihamdan keçdim qaçdım.
Bir qom qızıl nərgiz ilə,
Göl qırağı, ağacların yanında,
Rəqs edirdi əsən o rüzgar ilə
Kəhkəşanda göz qırparaq
Körfəzdə parlayan ulduzlar kimi
Üfiq boyunca uzanır
Sonsuzluğa gedirdilər.
Bir göz atdım gördüm sayı
On min idi bəlkə də çox,
Sevincdən havada yellənirdilər.
***
PAYIZ YAXINLAŞANDA
Yarpaq belə solmamış palıd meşəliyində,
Qış nəfəsi duyulur dağların havasında.
Soyuq oyansa belə oraqlar biçməyibdi
Aydın səma altında taxılı tarlalarda.
*
Buz qılınc, eşitdim, işarə edir mənə:
Yaxında töküləcək yaşıl meşədə yarpaq.
Nəğməylə pıçıldayır bahar dili yarpağın:
Düşməniniz yoldadır tez tələsin cənuba!
*
Qışda da oxuyuram yayda olduğu kimi
O qalın meşələrin boğuq xışıltısında
Qorxmadan o aydın parıltısında.
*
Gözləyirəm payızı xoşca bir salam ilə,
Şairlərin ilhamı fırtınayla, qar ilə
Daha da tez oyanır yayın cırhacırından.
Rus dilindən çevirən Ayişə
Gözəldi