İKLİM.AZ “SAVAŞ ŞEİRLƏRİ” SİLSİLƏSİNDƏ TANINMIŞ ŞAİR FƏRİDƏ HACIYEVANIN ŞEİRLƏRİNİ TƏQDİM EDİR.
ALİ BAŞ KOMANDAN
.
Ucaldın ucaldıqca,
Ali Baş Komandanım!
Şanına yazılacaq,
Ən uğurlu dastanım.
.
Əsrin ləyaqət əri,
Xalqının igid oğlu.
Yenilməz hünərindən,
Üzümüzə gün doğdu.
.
Ali Baş Komandanım!
Ordun bir tarix yazır.
Qarşında müntəzirdir,
Əmrinə hər an hazır.
.
Yürüşü bir od saçır,
Vuruşu yenilməzdir.
Şəhid ruhu göylərdə.
Vətənim əyilməzdir!
.
Ali Baş Komandanım!
Şücaətin danılmaz.
Canım Xan üzlü Şuşam!
Düşmən əlində qalmaz!
.
Bizə xoşbəxtlik verdi,
Cəsur, Baş Komandanım!
Xalqımın məbədgahı,
Vüqarım, mənim andım!
.
QANAD AÇIB UÇURAM
.
Qanad açıb uçuram,
Uçuram göyə sarı.
Sevinc payım çox düşüb,
Apar yurduma sarı.
.
Qubadlım,Cəbrayılım,
Füzulim, Şuşam gəlsin.
Zəngilan, Suqovuşan,
Laçın nur tək ələnsin,
.
Ağ üzlü oldu Ağdam,
Torpağı mərd əllərdə.
Cəsarətli vuruşlar,
Nəğmələnir dillərdə.
.
Qanad açıb uçuram,
Könlüm pırıl-pırıldı.
Duyğularım gül açıb,
Coşub, daşıb, duruldum.
.
Orduma qurban olum,
Qurban olum orduma.
Namusla,ləyaqətlə,
Çatdıracaq yurduma.
.
Qanad açıb uçuram,
Bu nə hal, nə həyəcan.
Sağ olsun Baş Komandan!
Bütövdür Azərbaycan!
