Günlərin bir günü….
Bir qadın, qapıdan eşiyə çıxanda üç ağ saqqallı yaşlı adamın evin önünde oturduğunu görür.
-Mən sizi tanımıram,-deyir. – Amma nə vaxtdır burdasınız, yəqin ac və susuz olarsınız. Buyurun, içəri gəlin qonağımız olun.
– Evin kişisi evdədirmi? -deyə soruşur adamlar.
– Xeyr, -deyir qadın. -İndi evdə yoxdu.
– O evde olmadığı üçün bizim bu eve girməyimiz yaxşı deyil,- deyə cavab verirlər.
Axşam olub əri evə qayıdanda qadın olanları ona söyləyir.
– Yaxşı, gedib onlara deyərsən ki,- adam deyir,- mən artıq evdəyəm, içəri girə bilərlər.
Qadın eşiyə çıxıb yaşlı adamları içəri dəvət edəndə onlar:
– Hamımız eyni anda içəri girə bilmərik ,- deyirlər. Qadın səbəbini bilmək istəyərək soruşur:
– Niyə girə bilməzsiniz ?
Yaşlılardan biri açıqlayır:
– Onun adı Zəngindir,- deyərək yoldaşının birini göstərir: -Bu Uğurdur. Mən isə Sevgiyəm . . .
Sonra deyir:
– İndi içəri gir və ərinlə danış. Bizim hansımızın evinizdə olmasını istərsiniz ?
Qadın içəri girib eşitdiklərini ərinə deyir. Adam sevinərək;
– Nə gözəl, – deyir. Əgər elədirsə, Zəngini içəri çağıraq, evimizi zənginliklə doldursun .
Qadın etiraz edir:
– Canım, niyə Uğuru çağırmayaq?
Bu zaman, evin o biri başında olan gəlinləri bu danışılanları eşidib sözə qarışır:
-Sevgiyi çağırsaq daha yaxşı olmazmı? Evimiz sevgiylə dolar !
– Gəlinimizin təklifi ağıllı fikirdi,- deyən adam qadına,- Get Sevgiyi dəvət et, gəlsin bizim qonağımız olsun,-deyir.
Qadın eşiyə çıxıb yaşlı adamlardan soruşur;
– Sevgi hansınız idi? Xahiş edirəm, içəri gəlib qonağımız olsun .
Sevgi ayağa qalxaraq evə tərəf gəlməyə başlayır. Elə bu vaxt digər iki yaşlı adam da onun dalınca gəlir.
Qadın heyrət edərək Zənginlə Uğura deyir:
– Mən sadəcə, Sevgiyi dəvət etdim, siz niyə gəlirsiniz?
Zənginlə Uğur eyni anda cavab verirlər:
– Əğər Zəngini, ya da Uğuru dəvət etsəydin, onda digər ikisi eşikdə qalardı. Amma sən Sevgiyi dəvət etdin. O haraya gedirsə, biz də onun ardından oraya gedirik. Çünkü harda Sevgi varsa, orda Uğur və Zənginlik də var.
Sevgi hər şeyin mərkəzində durur və bütün yaxşıları cəlb edir.
“Mənkibələr”dən
Hazırladı: İklim.az
