Amerika şairi Edqar Li Masters daha çox əyalət şəhəri sakinlərinin həyatından bəhs edən nağılvari şeirlərin toplandığı “Spun River antologiyası” kitabı ilə tanınır.
Dok Hil
Bu başdan o başa var-gəl edirəm
Gəlib gedirəm
irəli geri gecəbəgündüz
Məni kasıb xəstənin üstə çağırmayanda .
Bilirsinizmi niyə
nifrət edir arvadım, əclaf böyüyür oğlum,
Çünki bütün sevgimi insanlara vermişəm.
Məni dəfn eləməyə gəlmişdi xeyli adam
qəbristanda görəndə mən bu qədər adamı
ürəyim dağa döndü.
Dedilər ki, şəhərdə məni yaman sevirlər,
Sevincdən çıxacaqdı ay Allah, bu ürəyim.
Elə ki, girdim qəbrə, təzə həyat başladı,
Gördüm bu yan qəbrdə palıd ağacı altda
Özünü və dərdini gizləyən Em Stentonu.
Sara Braun
Bu şam ağacı altda yoxam, Moris, ağlama.
Əsdirir tər otları baharın sərin mehi, tərpədir.
Ulduzlar parladıqca gecəquşu oxuyur,
Sən kədərə batırsan, mənim qəlbim yumşalır.
Sonsuzluq dünyasının xeyir nirvanasında
Mənim ərim xeyirxah qəlbi ilə qəmlənir.
Çünki bizim eşqimiz sənlə günah sayılır.
Ona de taleyimi həll eləyən məhəbbət
Həm ona, həm də sənə eyni qədərdir əlbət.
Ruh qazandım əzabla, ruhi rəvana girdim,
Göylərdə yoxdur nigah, orda diridir sevgim.
FRENK DRAMMER
Ölmək var bir də
Kölgə sultanlığında
25 yaşında
O qaranlıq zindanda.
Dilim acizdir deyəm,
Gücünü içimdəki burulğanın söyləyəm.
Məni axmaq sayırdı yaşadığım bu şəhər
Başlayanda yenicə məndə aydın görmələr.
Sonra məcbur elədi məni əzbərləməyə
çox vacib və çox ülvi amal ilə əqidə
Britaniya ensklopediyasını.
Tərcümə edən: Ayişə Nəbi
