Şair Əhməd Zeytunçu şeirlə yanaşı satirik hekayə və publisist məqalələr də yazır.Yeddi yüzdən artıq şeiri müxtəlif yerlərdə çap olunsa da, hələlik şerilərini və hekayələrini bir kitab halında çap etdirməyib.
SİQARETİN ÇƏKDİYİ ADAM
Siqaretin çəkdiyi adam
Püfüldəyərək ağır addımlarla
yoxuş yuxarı gəlir aramla…
Kürəyində çırıq köhnə bir çanta
Heybəsində əski bir ömür yaman cızıq cızıqdı
əlində bir qəzet, at yarışı səhifəsində
gözlərini qəzetə yapışdırmış
saçlarının arasında
udanı olmayan bit yarışı
həyatı sürükləyir alnında kim bilir kimin qarışı
bir tutdursa bəxti gətirəcək….
ertəsi gün paxlava börək yeyəcək…
Ağır ağır yolda yeriyir
Bəlkə də
Fərqində deyil bir ömür çürüyür…
Bir tutdursa üzü güləcək
guya qurtulacaq borclardan
qurtulacaq həm keçmiş həm gələcək…
Siqaretinin çəkdiyi adam
Püfhapüh məqamında keçib gedir önümdən
Kürəyində cırıq köhnə bir çanta İçi dolu kədərlə, içi dolu yaşantıyla