“Kommersant” a açıqlamasında Ermənistan prezidenti Armen Sarkisyan “Atəşkəs prosesinin başlaması üçün mümkün olan hər şeyi etməyə hazırıq” deyib.
Ermənistan Xarici İşlər Nazirliyindən verilən açıqlamada isə Dağlıq Qarabağ münaqişəsinin sülh yolu ilə həll olunmasına hazır olduqları bildirilib: “Əldə edilmiş razılaşmalara sadiq qalaraq Ermənistan məsələnin sülh yolu ilə həll edilməsi üçün bütün lazımi addımları atma hüququnu özündə saxlayır”.
Ermənistanın rəsmi dairələrinin bu kimi açıqlamalarla çıxış etməsi, Azərbaycan Silahlı Qüvvələri qarşısında erməni ordusunun aciz vəziyyətə düşdüyünü göstərir. Düşmən ordu əsgərlərinin ruh halı da olduqca düşkündür ki, bu onların məğlubiyyəti labüddür deməkdir.
