Urdu şeiri deyincə ilk ağla gələn şair jurnalist Faiz Əhməd, 13 fevral1911-ci ildə Pakistanda doğuldu, Lahorda təhsil aldı, İngilis-Hind ordusunun tərkibində İkinci Dünya Savaşında iştirak etdi.İrəliçi Yazarlar Hərakatının üzvü idi. 1951-ci ildə Ravalpindi sui-qəsdində suçlanaraq 4 il həbs edildi. 1962-ci ildə Lenin Sülh Mükafatı aldı. 1979-cu ildə Ziya-Ül-Haq hərbi çevrilişindən sonra Beyruta qaçdı. Könüllü sürgün həyatı yaşadı. Asya-Afrika Yazarlar Birliyinin orqanı olan “Lotus”da işlədi.1982-ci ildə Pakistana qayıtdı. 1984-cü idə Lahorda vəfat etdi
BU ZƏNCİRƏ VURULMA, BU DAR AĞACI ANI
Bütün yolları bu saat bürüyübdür bir həsrət
Gözlədiyim baharı göstərmir heç bir saat.
Ruhumuza çullandı bu yaşam qayğıları,
Dur biz də silahlanaq, bu sevgi sınağıdı.
.
Sevgilimin üzünü gördüyüm müqəddəs an,
Bir müqəddəs saatdır, yanan qəlbə su səpən!
Nə o saqi qayıtsın, nə də şərab qədəhi!
Bir sərvin, ya çinarın yarpaq pıçıltısını
Demməyəcəyiksə bir dosta bundan belə
O yaşıl saatları, oynaşan kölgəni də.
.
Çoxdandı sızım sızım sızıldayır bu yara
Bu zəncirə vurulma, bu nəşə, dar ağacı,
Bənzəmədi bu ağrı köhnə ayrılıqlara
Bu ağrı başqa ağrı, qəlb deşəndi bu acı!
.
Sözün yeriyər hücrədə, yeriməz bağa hökmün
Açılanda qırmızı gül qönçəsi, gələndə o tər zaman
Heç vaxt kəmənd atılmaz dan üzü qopan yelə,
Baharın oyanışı düşməz tora-tələyə .
.
Bülbülün oxuduğu, çiçəklər açan anı
Görməsəm də eybi yox, onsuz görəcək hamı.
***
DANIŞ
Danış!Azaddır dodaqların.
Danış! Bu dil sənindir.
Danış! Bu sənin bədənindir.
Danış! Hələ yaşamın da sənindir.
.
Bax və anla, gör dəmirçi odunda
Polad necə qızarır
Gör, kilidli qapılar necə asan açılır
Zəncirlər bax qırılır.
*
Danış! Sənə düşən zaman yetincə.
Bədəninlə dilin ölmədən öncə.
Danış! Hələ yaşayan gerçək üçün,
Danış! Söylə qəlbindəkini bütün!
Rus dilindən çevirən:Ayişə Nəbi
