Ömrümün harayı, könlümün səsi,
Milyon-milyon qəlbin sevgi nəğməsi,
Ruhumun ən uca, ulu kəlməsi,
Azərbaycan-Türkiyə!
.
Bu hikmət önündə ayaq saxla, dur,
Eşqin ətri ilə qəlbini doldur.
Turana uzanan əbədi yoldur,
Azərbaycan-Türkiyə!
.
Böyük Atatürkün, ulu Heydərin,
Məramı müqəddəs, hikməti dərin.
Keçib sınağından qərinələrin,
Azərbaycan-Türkiyə!
.
Halal soraqlıdır, harama yaddır,
Türklüyə şan verən ən uca addır.
Aygünün qəlbində qoşa qanaddır,
Azərbaycan-Türkiyə!
AYGÜN HÜSEYN
