ABŞ, Pensilvaniyalı modernist şair
Qara quşa baxışın on üç yolu
1
İyirmi qarlı dağın
arasında tərpənən
Təkcə o qara quşun
Civildəyən gözüydü.
2
Üç ağlım vardı mənim
Üstünə üç qara quş
Qonmuş bir ağac kimi.
3
Qara quş dövrə vurdu əsən payız yelində
Bu da oyunbazlıqdır qara quşun dilində.
4
Bir kişi bir qadın
Birdir.
Bir kişi, bir qadın, bir də qara quş
Birdir.
5
Görəsən, hansının seçim gözəlliyini,
İncə dilli səsinmi,
Üstü örtülü sözünmü?
Yoxsa ki, qara quşun çaldığı fışqırığı,
Ya da fışqırıqdan sonrakı səsi?
6
Salma-saçaq buz örtdü
Çərçivədən çıxmış pəncərə şüşəsini.
Qara quşun kölgəsi
burda var-gəl edərək,
pəncərəni ölçərək
Mənə inanc gətirdi
Sirrinə varmadığım
Həm içdən, həm də çöldən .
7
Ey Hadamın sən cılız kişisi
Yuxuda görürsən qızıl quşları,
Görmürsən yanında gedən qadının
Ayağına dolaşan qara quşları.
8
Mən çoxlu
Soylu dillər bilirəm,
Şəffaf qaçınılmaz ritmlər,
Amma bunu da bilirəm ki,
Qara quş halidir
Mənim bildiklərimdən.
9
Qara quş uçub gözdən itincə
Cızdı çəkdi cızığını
Bir yığın çəmbərdən bir dənəsinin.
10
Qara quşlar görünəndə gözümə
Yaşıl bir işıqda uçub gedərkən
Oynaşan səslərin eşq dəllalları
Səs-səsə verirlər bağrtılarla.
11
Yollar üstündən keçdi
İçindəykən bir qotazlı faytonun.
Qorxuyla burxuldu bir dəfə ürəyi
Yanıldı, sandı ki,
Faytonun kölgəsi qara quşlardı.
12
Çaylar axıb gedir
Demək, qara quşlar da uçur hardasa.
13
Axşamın şər vaxtıydı,
Qar da yaman yağırdı…
Hələ çox yağacaqdı.
Qonmuşdu qara quşlar
Axı sidr ağacına.
Çevirdi: İklim.az
