Gənc yazıçı Gül Turanın ilk kitabı “EON” neoromanı işıq üzü gördü.
Özünəməxsus üslubu və həssas qələmi ilə ədəbi mühitimizə qədəm basan gənc yazar Gül Turanın yeni kitabı – “EON” neoromanı artıq oxucuların ixtiyarındadır.
Bu kitab ölümsüz sevgi, insan taleyi, yaddaş, sənət və zaman anlayışlarını bir araya gətirən dərin məzmunu ilə diqqət çəkir. Əsərin mərkəzində dayanan tarixi detallar, muzey abidələri və qəhrəmanların daxili axtarışları oxucunu füsunkar və sehrli bir sevgi səyahətinə dəvət edir. Dörd hekayədən ibarət olan bu roman təkcə, Samofrakyalı Nikadan Şeyx Səfi xalçasına, Terrakota ordusundan Gültiginə, Çatalhöyükə kimi uzanan yolda sevgi və sənət simvollarının fonunda cərəyan edən hadisələri tərənnüm etmir, bu həm də mənəvi axtarışın təntənəsidir.
Mədəniyyət və ədəbiyyatsevərlər üçün dəyərli töhfə olan bu kitab ədəbiyyatımızda yeni müzakirələrə yol açmaqla öz layiqli yerini tutacağını umaraq gənc yazıçıya uğurlar diləyirik.
